Waa buug-aqooneed loo baahanyahay in si qoto dheer loo fahmo. Da’yarta soo koraysa waxa uu buuggani u yahay wehel ay dugsadaan, wax ka bartaan, isku dhereriyaan tusaalooyinka dhex ceegaaga buugga. Axmed-Keyse Cali Rooble, waxa uu hormood u noqday buugaagtii loo baahnaa in laga faa’iidaysto oo wax ku kordhin kara noloshaada iyo himilooyinka aad higsanayso. Waxa uu buuggani kor u qaadayaa niyaddaada, oo uu ku leeyahay ha ka caajisin hawlaha wanaagsan ee aad bilawday ama aad muddoba ku dhexjirtay. Bilawgaba waxa aad buugga kula kulmaysaa weedhahan: “Qofkasta oo bulshada ka mid ah waxa looga baahanyahay in uu dedaal sameeyo oo uu ku aado waajibka saaran, gartana waxa uu ku wanaagsanyahay, waddadeedana maro si uu wanaag adduun iyo mid aakhiroba u gaadho”.

"Hal kaga dayo" waa hage aad u qiime badan oo ay tahay in uu qofkasta oo dhallinyaro ahi akhriyaa!

- Jaamac Muuse Jaamac


Buuggan "Hal kaga dayo" waa buug ka duwan kuwii aan hore uga bartay qoraayada Soomaaliyeed. Wuxuu marka horeba soo bandhigayaa tiirarka horumarka ee haddii uu qofku cuskado uu ku fanan karo meelo sare oo nolosha ka mid ah. Waa hal ku dhigyo xikmadeed oo uu ku xagga danbe ku xusayo tusaaleyaal u marag furaya xaqiiqnimadooda.

Maxamed Xirsi Guuleed (Abdibashir)


Da’yarta soo koraysa waxa uu buuggani u yahay wehel ay dugsadaan, wax ka bartaan, isku dhereriyaan tusaalooyinka dhex ceegaaga buugga.

Sayid M Yuusuf.