Mohamed Sh. I. Hujaale XOG iyo XUSUUS Aftahan Publication, London, 2007 ISBN: 978-0-9550274-3-7 - Taariikh Dhacdooyinkii iyo Murti-taariikheedkii Halganka Siyaasadeed ee Somaliland. Qalinkii & fikraddii: Maxamed Sh-Ibraahim Xujaale & Tafaf-tirkii & qaabayntii: Dhuux Digaale Ducaale. Wuxuu yidhi tifaftiraha buuggu: Buuggan waxa ku duugan xog iyo dhacdooyin aad u fara badan, oo uu qoruhu qodax iyo qaniinba uga guray caddayntooda, oo haba yaraate’e wax keli ah oo la-dafiri karo, ama la-beenayn karaa aanay ku jirin. Wuxuuna buuggani aniga iigu muuqday, inuu hor-seed ama fure u yahay, xaalad cusub, iyo laydh caafimaad oo soo beegan. Bulshooyinka Soomaaliyeed, meel kasta ha kala-joogaane, akhriste kasta faa’iido ayaa buuggan ugu jirta. Waayo; qofka aan wax badan ka ogeyn waxyaabihii dalka ka dhacay, ama loo sheeko-beenlayn jirey, waa xaqiiqadii uu kaga maarmi lahaa ku-tidhi-ku-teentii soo daashatey, ee lagaga habaabiyey daacadda iyo himilada xaqa ah. Kii xog-ogaalka ahaa, balse runta iska dadbi jireyna, buuggani waa dabarkii xidhayey, ee beentiisa indhaha ka tuurayey iwm.
Maxamed Shiikh-Ibraahim Xujaale magaalada Hargeysa ayuu 1950kii ku dhashay. Wax-barashadiisii; ilaa dugsiga sare, isla magaalada Hargeysa ayuu ku qaatay. Markii uu dhammaystayna waxa uu yimid dalkan Ingiriiska. Magaalada London ayuu ka galay, kulliyad lagu barto Afka Ingiriisiga, kana qaatay shahaadada loo yaqaan GCE (General Certificate of Education). Ka-dib; wuxuu halkaas uga sii gudbey dalka Maraykanka (USA), halkaas oo uu ka galay dhawr Jaamacadood, oo ay ka mid yihiin; State University of New York - Syracuse - (New York), Glassboro State College (New Jersey), City University of New York - Hunter College - (New York). Maxamed waxyaabaha uu ku takhasusay waxa ka mid ah; Maammulka Caddaaladda (Adminstaration of Justice), gaar-ahaan; dhinacyada habka maammul ee Booliska, Maxkamadaha iyo Jeelasha. Ka-dib wuxuu dib ugu laabtay, dalkii hore loo odhan jirey Jamhuuriyaddii Soomaaliya, isagoo doonayey inuu aqoontii uu soo bartay uga faa'iideeyo oo kaga shaqeeyo Dalkiisii Hooyo, hase yeeshee taasi uma suurtoobin, sababtoo ah; waxa uu saluugey, maamul-xumadii xukuumaddii keli-taliska ahayd ee dawladdii Ina Siyaad Barre, ee ku dhisnayd dulmiga iyo caddaalad-darrada. Muddo yar dabadeed; Maxamed wuxuu dib ugu laabtay dalka Maraykanka, wuxuuna isla-markiiba shaqo ka helay shirkad baatroolka soo saarta, oo markaas ka shaqaynaysey dalka Qadar, halkaas oo uu muddo degganaa, kana shaqaynayey.

1. Akhriste - 2009-04-17 15:25:16
   SAMIR HASAAN - xaleev@hotmail.com
   ASC......SALAAN KA DIB BUUGAN SIDEE LOO HELI KARAA SXBYAAL?
   
2. Akhriste - 2008-11-05 13:52:22
   ifrah - ifraxxamud@hotmail.com
   wlaaalo waxaan aad usalaamay kaqayb qatayaashi qoray buugan layidhahdo xoga iyo xusuusta walaalayaa waad mahasan tihiin waxaad wax iga xaususeen waxaan somarnay oo aan kayaraa wakhtigaa intii kadabaysana anan u helin wakhti aanku arisoto duruufa jirajiray awgeed waad mahdasniid walaalo jasa kalahu khayran . aano imika bilaabay waxaan kutala jiraa inan siwado byyyyyyyyy
   
3. Akhriste - 2008-07-15 16:24:43
   cali cismannn - CUSMAN @HOTMAIL.
   WAXAAN RABNA IN AANHALNO BOOK AFKA HOOYA KUBAXAYO
   
4. Akhriste - 2008-07-06 12:43:04
   mohamed - mdjama84@hotmail.com
   waxan rabaa inaan akhriyoo buugan ee xagee ka akhrisan garaa internet ahaan amaa buug ahan baa
   
5. Akhriste - 2008-05-13 14:10:34
   caasho - somalia_ethopia@hotmail.com
   aniga buugan qofkii qoray waxaan uun u arkaa inuu yahay qofraba inuu soomaaliya sii kala fogeeyo oo dadka cadawtinimo ku sii beero cadawga soomaaliya oo doonaya inay kala qaybiyaana ka sii farxinaya
   
6. Akhriste - 2008-02-15 03:20:24
   khalid a/lahi dualeh - khaliddualeh@hotmail.com
   waxaa aad u salaamayaa walaalhayga isku hawalay in ay noo soo gudbiyaana buugaagta ugu fiican ee la qoray intaa ka dibe waxaa akhariyaya buuga layidhaahado XOG IYO XUSUUS waanan la dhacaya buuugan waa Khalid A/lahi Duale
   
7. Akhriste - 2007-11-13 07:39:00
   mohamed - galaydho@hotmail.com
   Salaam dhamaan akhristayaasha iyo dhalinta reer redsea-online. sxbayal wali buugan maan akhriyin se iminkaan ku talo jiraa inaan akhriyo markaan dhameeyo ayaan faalo kooban ka soo bixin doona haduu Allaha awoodale qadaro.
   
8. Akhriste - 2007-11-13 07:12:09
   mohamed - galaydho@hotmail.com
   Salaam dhamaan akhristayaasha iyo dhalinta reer redsea-online. sxbayal wali buugan maan akhriyin se iminkaan ku talo jiraa inaan akhriyo markaan dhameeyo ayaan faalo kooban ka soo bixin doona haduu Allaha awoodale qadaro.
   

Faallee buuggan / Comment this book

Waxaan akhriyey buuggan / I read this book Anaa qorey buuggan / I am the author of this book Magaca / Name Dalka / Country Email Faallo / Comment

Fadlan ogsoonow in hoygani u dhisan yahay wanaag iyo waxtarka horumarinta aqoonta afka somaliga ku qoran. REDSEA-ONLINE.COM waxay hubin doonaan faaladaada inta aanay kusoo daabicin halkan, waxba kama beddeli doono qoraalkaaga, laakiinse waxaanaanu xorriyad u qaadanaynaa in aanannu daabacin faalladii noola muuqata inay ka duwan tahay muhiimadda uu u dhashay hoygani. Qoraalada aanu soo daabacno waxaa ka jawaabaaya mas'uuliyaddooda ciddii qortey. Mahad badan REDSEA-ONLINE.COM, AfSomali Books Section