header
Search:

Create an account |
Spelling Checker
Somali | Af Soomaali

Spelling Checker
Higgaadda Afsoomaaliga
ee
REDSEA-ONLINE


Calendar Conversion

GREGORIAN

ISLAMIC


SOMALI


Photo of the Week
Suggest one

Somaliland - I too love you!

Somaliland - I too love you!



Wisdom of the Day

...daily updates...

Qalinkaa wax suureeya,
Kugu sima halkaad doonto,
Saaxiib kal furan weeye,
Sunto fara ku hayntiisa,
Weligaa ha sii deynin.
"Sahra" - M I W Hadraawi

suugaan


A Note of my teachers


read it more


19/02/2006: Submitted for publication via web
GPS: Burco Iyo Horumarku Maxay Ku Colloobeen?
by Cabdillaahi Cawed Cige

Waxa aan dhowaan aniga oo mushaaxaya carro edeg ku war helay qoraal ka soo baxay aqoonyahanno reer Burco ah oo dadweynaha uga digaya halista uu soo wado mashruuc ay yidhaahdeen waxa hay’adda UN-Habitat ay ka hirgelinaysaa magaalada.

Qoraalka waxa daabacay baan war ku helay warsidaha madaxa bannaan ee Haatuf, waxa se aan anigu 10kii bisha labaad ee sannadka 2006 ka akhriyay bogga carro edeg ee sumaddiisu tahay www.halganews.com

Sheekada mashruucu mid aan hore ula socday ma ay ahayn, waxa se aan jeclaystay – illayn Carab shuuf yidhi wax buu arkaye- bal in aan hoos u eego waxa aqoonyahanka Burco ka diday.

Waxa jirta ‘carruur carruur aan lagu ciyaarin’, ee mar haddii erayga ‘Halis’ uu qoraalka waxgaradku soo gudbiyay ka dhex hillaacay aad ugu fiirso sunta qarsoon ee reer Burco loo aasayo ayaan ku goostay.

Waxa aan muraayado balballaadhan iyo laydh shan guluub leh u qaatay qoraalkii. Dib ayaan ula dingiigsaday, oo haddana hore ula soo kacay, waxa aan ka soo bilaabay halka ugu sarraysa oo erayga u dambeeya ka dhex mudhay. Waan ku noqday oo dhinaca midig kaga imi, bidix ka eeg baan is idhi.

Xerta aqoonyahanka reer Burco ee sharafta leh ee qoraalka soo gudbisay ma aha dar aan wada aqaan, waxa se iiga dhex muuqday magacyo caan ah oo aan garanayo.

Mar haddii meesha hebel iyo hebel marayaan oo digniin aan loo tudhin reer Burco ka siiyeen mashruucan halista ku dahaadhan arrin aad dhayalsan karto maaha ee bal burburi qoraalka oo inta aad tib iyo mooye u qaaddo daqiiqaha ka dhig, ka dhex baadh arrimaha dahsoon, ayaan talo ku goostay.

Mudh, meel halkan ah oo hoose ayaa waxa igaga soo booday wixii aqoonyahanka dhibayay, “GPS”.

‘Col kaa shax’, oo tolow ma xisbi cusub baa ‘GPS’ ayaan is weydiiyay? Oo aqoonyahanku tolow ma waxa ay ilaalo u yihiin dastuurka oo aan oggolayn saddex urur siyaasi wax ka badan? Haa, waa wax dhici kara in magalaadii Burco oo aad u qayishay ay murqaankii xisbi ‘GPS’ la yidhaahdo furatay.

Oo tolow Burco miyay waalatay? Maxay ‘P’ oo aan dadka af soomaaliga ku hadlaaba karin ka doontay? Haddii se ay kollayba sharciga jebinayso oo urur afraad oo Udub, KULMIYE iyo Ucid garbiya furanayso may ‘Koor’ ula baxdo, waa maxay ‘GPS’?

Waar Burco waallida intaas le’eg kuma aad ogayn inkasta oo Hargeysa farta ku soo fiiqdee, bal arrimaha dib ugu noqo oo ‘Halista’ baadh.

Miiroo cusub oo daray ah kama maarmayso ee lix minjood Abokor Yare ka soo qaado oo arrimaha ruugga u laabo ayaan talo ku goostay.

Qodhyaxero wax baa si ah, shan minjood iyo laba uurbeyto markii ay igu tageen, Abokorna aleenkii lagala xidhiidhi lahaa xidhay oo aanan meel loo eersado oo jaadka laga soo kordhistaa ii muuqan ayaan ‘Halistii’ suulkayga hore ku dhuftay, waxa aan ku turuturrooday ‘GPS’.

Meeshu waa daruuraha sare dushooda. Afar iyo labaatan wiil oo ba’an oo nin kibray oo Maraykan la yidhaahdaa samaystay, oo afar iyo labaatanka saacadood dunida ku wareega ayaannu isa soo hor fadhiisannay.

Waa in nala gar mariyaa, ayaan ku soo tuuray wiilashii ba’naa. Adiga oo ayo ah bay iigu jawaabeen? Aniga oo ah nin murqaansan oo jaadkii ku badh go’ay, oo Abokorna aleenkii ka xidhay, oo meel uu tuhunka kula noqdo aan garanayn ayaan ugu warceliyay.

Waxa aannu nahay beel ‘GPS’ la yidhaahdo bay iigu jawaabeen. Intaas waan ogaa ee maxaa idiin raaca ayaan idhi, halista aad u qariseen magaaladaydii Burco ee aad doonaysaan in aad aqoonyahankeedii gees kala dhaaftaan ii balballaadhiya, haddii kale geel inoo kale dareeri maayo ayaan ugu hanjebay.

Annagu sidiinna geel ma dhaqanno, adhigana isaga hadalkiisaba daa. Sida aad odayaal beri hore dhintay ugu abtirsataan ee reer Shiikh hebel iyo Ba heblaayo la idiin yidhaahdo, ayaannu annaguna aabbe weyn oo muruqiisa imika dunidu aad uga yaabto leenahay.

Waxa na dhalay oo aannu magac ahaan ku sheegannahay Maraykan oday la yidhaahdo, laakiin sidiinna annagu geela uma suntanin ee aqoonta ayaannu u suntannahay, sidaas aawadeed dhal bini aadam baannu nahay, ayay warbixin igu siiyeen.

Waxa aan xoqday dhafoorka, isha midig oo dirindiir yar oo cagaaran oo jaadka Kiiniya ka soo raacday xaarkeedii iga galay ayaan haraaq yar oo waxa ay ka samaysan tahay aanan garanayn, haddii ay doontana ‘Halis’ noqon karta kolba gees u mariyay.

Inkasta oo aannu aniga iyo reer GPS-ba hawada sare wada heehaabayno, iyagu way iga badan yihiin oo marba mid baa barbar igaga imanaya, waa iga tol bateen, aniga tolkay jaad bay ku fadhiyaan, aqoonyahankaygiina ‘Halis’ buu weyneyso ku doonayaa.

Ilmaadeerayaal haddaba jaadkuna waa igu suququl, hadalka badanna madaxa ayaa igu xanuunaya ee arrinta sangaabta iisoo qabta oo maxaa ‘Halis’ kala doonteen Burco.

Nin wakhtigiisii ka lumay baad tahay ee haddii uu maanta Caammir ku noolaan lahaa geyiga aad leedahay ‘Halis’ baa ku aasaysaan waxa xaqiiqo ah inuu bahdiinna ka soo guuri lahaa oo annaga na soo raaci lahaa. Isaga oo habeen mugdi ah, hawd cidla ah fadhiya ayuu arrimahan aannu samada u aadnay ee maalin iyo habeen aadamaha u soo lalinayno bartiisa ka hilaadin jiray, haddii uu maanta noolaan lahaa waxa uu odhan lahaa waar ‘GPS’ ii doona aan hasha heblaayo dhegteeda bidix ku xidhee.

Waxa isku dhammaaday murqaankaygii iyo dooddii aan la yeeshay ‘GPS’, markii aan qorigii ugu dambeeyay miiddiisii laastay ayaan bartii aan caawa dhan fadhiyay dib ugu soo laabtay.

Aniga oo labadii dhambal ee aan ka samaysnaa midba guriga derbi gaar ah kaga tiirsan yahay ayaan galabtii dambe sara kacay. Dirqi iyo si fool adag ayaan qalbacyadii aan ka samaysnaa isugu geeyay. Markii aan istaadhmay ayaa waxa la i hor keenay ‘GPS’ iyo halistii aqoonyahanka.

Waa dhab in dayaxgamceedka loo soo gaabiyay ‘GPS’ uu leeyahay waddanka Maraykanku, waana dhab in wasaaradda gaashaandhigga ee Maraykan samaysatay, isticimaasho islamarkaana maalgeliso.

Waxa se kale oo dhab ah in inta ay wasaaradda gaashaandhiggu ka isticimaasho in le’eg shicibweynaha adduunkuna ka isticimaalo. Ka soo qaad telefoonka gacanta ee aad sidato oo aan anigu u aqaan ‘aleen’, ka soo qaad qalabka hoggaanka u ah baabuurta ee dhulal badan oo horumaray lagu adeegsado kuna geynaya xaafadda aad doonayso.

Haddii habeen hore markii jaadku iga go’ay ee aan Abokor hore u waayay u baahan lahaa dhawr iyo toban minjood oo kale, oo jaad la iigu sheegi lahaa buurta, aniga oo aan aqoon badan u lahayn meesha buurtu Landhan kaga taal inta aan baabuurkayga daabbad istaadho ayuun baan ‘GPS’ u sheegilahaa 101 Dariiqa Buurta, Bariga Landhan, dabadeedna sida uu ii leeyahay waar xaggan u baydhay oo halkan ka leexo ayuun buu kadinka iga gelinlahaa. Bartaas baan murqaankayga qaybtiisa dambe mahad ugu celinlahaa ‘GPS’.

Badaha mushaaxooda, dayuuradaha lalaya, baadhitaanka saliidda iyo biyaha, dalagga beeraha, bacaadcelinta, ayaxa, faa’iidooyinka loo isticimaalo GPS waa badweyn, xitaa tagsiyada Dubay ee aqoonyahanka Burco marka ay imaaraadka u safraan raacaan waxa qaar badan ku rakiban sanduuq yar oo wiilashaas ‘GPS’ toos xidhiidh ula leh.

In aqoonyahanka Burco ay bulshada ka ilaaliyaan wixii khatar u leh waa arrin aad u muhiim ah, bil xaqiiqan waa xil waddaniyadeed oo saaran. Khataraha aan filayay in aqoonyahanka Burco qoraallo dhaadheer maalin walba ka soo saaraan waxa ka mid ah jaadkan aniga iyo GPS isu kaaya geeyay, xanuunka AIDS-ka ee maanta dalkeenna dhuumashada kula dhex jira, maamulxumada iyo dayaca ina haysta, horumar la’aanta joogtada ah.

Waxa se guuldarro iyo gamco madow ah marka aqoonyahanku noqdo cadowga aqoonta.

Waxa aan wax ku bartay dugsiga hoose/dhexe ee Shiikh Ibraahim, waxa aan murugoodaa marka aan xusuusto manhajka carruurta loo dhigi jiray. Waxa aan is idhaahdaa miyaanay aqoon yahankiinnu awel ogayn in dunida aalad la yidhaahdo heblaayo iyo heblaayo ka jirto? Haddii aanad haysan qalabka laga sheekaynayo dhibaato ma leh, waxbarashadu waa qalin iyo gacan ka qabasho, haddii aanad haysan dayaxgamceed aad ubadkaaga tusto, sawirkiisa tus, sida uu eg yahay, waxa uu qabto iyo meesha uu ka shaqeeyo u sheeg. Marka uu hadhow dayaxgamceed arko la yaabi maayo.

Adduunyada aynu guud saarannahay waxa ubadka loo dhigayaa xiddigaha durugsan ee qaarkiin nagu guubaabin jireen in aynu u guuri karno, idinkuna maanta ayaad tidhaahdeen aalad halkan dhow taagan oo aad waxa ay qabato Burco ka dhex heli kartaan ha inoo keenina.

Haddii damac siyaasadeed jiro oo la leeyahan wixii Maraykan leeyahay inaga eega, iska xidha farriimaha email-ka aad u taqaanniin, sabab? Waxa aabbe u ah oo aasaastay wasaaradda gaashaandhigga ee Maraykanka.

Waxa waddanka Ingiriiska magaalo ku taal oo Cheltenham la yidhaahdo ku yaalla saldhig la yidhaaho Governments’ Communications Head Quarters(GCHQ), xaruntaas waxa laga dhegaysan karaa wax kasta oo hadal ku baxa oo adduunka guudkiisa laga isticimaalo, reedyow, telefiishan, telefoon iwm. Idaacadda reedyow Hargeysa barnaamijyada ka baxa oo af soomaali ah baa laga dhegaystaa oo haddii loo baahdo la raadraacayaa.

Telefoonnada aqoonyahannadiinna dhulka sumadda loo samaynayo diiddani sidataan ayaa wixii cod ka baxa laga dhegaysan karaa oo la raadraaci karaa.

Hadal iyo murti waxa aynu ku jirnaa qarnigii 21naad, waxa aan filayaa in loo baahan yahay in ummadda loo hor kaco qarnigaas la qabsashadiisa, haddii taasi aanay u cuntamayn aqoonyahankii dalka waa ayaandarro aad u ballaadhan, waxana muuqanaysa meesha Burco iyo horumarku ku colloobeen in ay tahay aqoonyahankeeda.

“Shuush!! waxa aan aad uga baqayaa in xogtayda GPS xeraysto oo dabadeedna madaxweyne ku xigeenka Maraykan rayfalkiisa ugaadhsiga Liverpool igala soo tiigsado”

Cabdillaahi Cawed Cige, Liverpool UK edleh@hotmail.com

Qoladiisa: Beesha GPS



The views published here are solely those of its authors (Cabdillaahi Cawed Cige) and do not necessarily reflect those of REDSEA-ONLINE.COM.
All articles on redsea-online

1. 15/05/2012 Gathering to commemorate Dr. Abdishakur Shiekh Ali Jowhar - Commemoration committee
2. 11/05/2012 Press Release from Camden Creative: Are you Somali of any age and background, and are moving permane - Camden Creative
3. 20/09/2009 SWF - Events: Saturday, 31 October - Festival Books presents
4. 20/09/2009 SWF - Events: Friday, 30th October - Comedy Night with Boon Xirsi, Prince Abdi, Abdi Bahdoon &other
5. 20/09/2009 SWF - Events: Thursday, 29th October - Film night and Djibouti artist evening
6. 20/09/2009 SWF - Events: Wednesday, 28th October 2009 - One act the play ‘Baqayo Roged’
7. 20/09/2009 SWF - Events: Tuesday, 27 October 2009 - BME involvement in public bodies
8. 20/09/2009 SWF - Events: Monday 26 October 2009 - Young People and citizenship
9. 20/09/2009 SWF - Events: Sunday, 25th October 2009 - Family Day: Storytelling day for children and their parent
10. 20/09/2009 SWF - Events: Saturday, 24th October 2009 - A day of pure poetry
11. 20/09/2009 SWF - Events: Friday, 23rd October 2009 - Launching of the Festival
12. 03/08/2009 Opinion on: Book review - Whose world is it any Way? By Shamis Hussein - Omer Aden E-mail : omerliban@gmail.com
13. 23/07/2009 Mooge/HIBF - Maalinta Lixaad - Isniin 27 Julaay 2009
14. 23/07/2009 Mooge/HIBF - Maalinta shanaad - Axad 26 Julaay 2009
15. 23/07/2009 Mooge/HIBF - Maalinta afraad - Sabti 25 Julaay 2009
16. 23/07/2009 Mooge/HIBF - Maalinta saddexaad - Jimce 24 Julaay 2009
17. 19/07/2009 Mooge/HIBF - Maalinta Labaad - Khamiis 23 Julaay 2009
18. 19/07/2009 Mooge/HIBF - Maalinta Kowaad - Arbaca 22 Julaay 2009
19. 21/02/2009 Xog-waranka Abwaan Cabdilaahi Cawed Cige - Mustafe Sh. Cumar
20. 12/11/2008 "Alliwa": Wargeys 50 Guuradiisii Ay Maanta Tahay - Saddexaad - Axmed Yuusuf Ducaale
21. 11/11/2008 "Alliwa": Wargeys 50 Guuradiisii Ay Maanta Tahay - Labaad - Axmed Yuusuf Ducaale
22. 10/11/2008 "Alliwa": Wargeys 50 Guuradiisii Ay Maanta Tahay - Kowaad - Axmed Yuusuf Ducaale
23. 30/05/2008 Boqorka shaqsiyaddu waa kuma? Qaybtii 1aad - Farduus Siciid Dirir
24. 16/05/2008 HALABUUR, Journal of Somali Literature and Culture - hal-abuur
25. 22/02/2008 Dhagaxtuurkii 1982-kii ee dugsiga sare ee Timacade(qalax) ee Gabiiley, qaybtii 2-aad - Cali Cumar Xasan
26. 22/02/2008 Dhagaxtuurkii 1982 iyo dugsiga sare ee Tima-cade ama Qalax (Gabiley) - Cali Cumar Xasan
27. 22/02/2008 LIX IYO LABAATAN GUURADII DHAGAXTUURKA. QAYBTII AFRAAD. - By Alpha
28. 20/02/2008 QAYBTII SADEXAAD EE LIX IYO LABAATAN GUURADII DHAGAXTUURKA - By Alpha
29. 18/02/2008 LIX IYO LABAATAN GUURADII DHAGAX TUURKA, Qaybtii labaad - By Alpha
30. 17/02/2008 Qaybtii Koowaad 20-Febaury 1982. Lix iyo Labaatan guuradii Dhagax Tuur - By Alpha
31. 11/02/2008 Barmaamij ku saabsan dadka xiskoodu dhiman yahay - Maxamed-Keyse
32. 28/01/2008 Qudbigii Suugaanta – Gabay - Bashiir Good
33. 25/11/2007 Hal-Abuur magazine relaunched - redsea
34. 11/11/2007 Gorfaynta Buugga “People on the Move” ee uu qoray Dayib Cabdi Askar. - Prof. Jaamac Aadan Cali
35. 11/11/2007 A critical review on “People on the Move” - By Prof. Jama Adan Ali
36. 29/06/2007 Buugga KARAAN: Xadhka-jiid ma gayo maamul Qaybta 2aad - Maxamed Yuusuf (Keyse)
37. 26/06/2007 Shirsannadeedkii Ururka Qoraaga Somaliland oo ka dhacay Stockholm 16/06/2007 - qoraaga.com
38. 26/06/2007 Buugga KARAAN Iyo Maansada Kasmo - Maxamed Yuusuf (Keyse)
39. 23/10/2006 Tixda Cabdilaahi Suldaan Timacadde & Ereyga “Soomaali” - Yasin Jaamac Nuux (Suldaan)
40. 13/08/2006 Baroordiiq (Tacsi) Abwaan Axmed Ismaaciil "Qaasin' - aftahan.org
41. 12/08/2006 Tacsi - Ururka Qoraaga Somaliland
42. 02/08/2006 Taariikh ku saabsan magaalooyinka Saylac, Berbera iyo Sheekh - Sayid Maxamed Yusuf "Dhegey"
43. 26/07/2006 Wargelin Muhiim ah: Xafladda Gardaadinta “Guri Waa Haween” ee Magaalooyinka Bristol iyo Cardiff - Maxamed Baashe Xasan
44. 17/07/2006 Book Signing Ceremony - Gobaad Communications & Press
45. 01/07/2006 Milicsiga maansooyinkii Abwaan "Qaasim" (Dad musbaar dhegaha kaga jiraan, maqal ka tuugaaye. 1964 Q. - Sayid Maxamed Yusuf "Dhegey"
46. 01/07/2006 Jebintii Jeelka Madheera Qaybtii 4-aad: Qorahu Wuxuu Soo Saari Doona Buug Ku Dhamaystiran Dhacdadani - Abdirisaq sheekh Ibraahim Kooshin (alpha) — Bristol, Uk
47. 30/06/2006 Milicsiga maansooyinkii dhaxalgalka ahaa ee Abwaan "Qaasim" (Sidii baa ducaaloow biyaha loo dawariya - Sayid Maxamed Yusuf "Dhegey"
48. 10/06/2006 Jabintii Jeelka Madheera Qaybtii 3-aad: Afduubkii Diyaaraddii Somali Airline Ee Afar Iyo Labaatankii - Abdirisaq sheekh Ibraahim Kooshin (Alpha)
49. 08/06/2006 05-JUNE-1988 - JABINTII JEELKA MADHEERRA - Qaybtii 2aad - Abdirisaq Sheekh Ibraahim Kooshin
50. 5/6/2006 05-JUNE-1988 - JABINTII JEELKA MADHEERRA - Abdirisaq Sheekh Ibraahim Kooshin
51. 26/03/2006 OGEYSIIS:TODOBAADKA SOMALILAND EE YURUB - SSE
52. 23/03/2006 Labada Aqal Ee Baarlamaanka Somaliland Oo Wadajir U Qaabiley Qoraa Weyn Oo Kenyaan Ah - somaliland.org
53. 20/03/2006 NETWORK OF DEVELOPMENT RESEARCHERS: HALF-DAY SEMINAR - SSE
54. 14/03/2006 School book with images of Prophet Muhammad banned in Somaliland - BBC Monitoring
55. 27/02/2006 GURI BA’AY - Maxamed Baashe X. Xasan
56. 20/02/2006 Milicso Maalmihii Ina Soo Maray – 20-ka February - Aamina Maxamuud Diiriye, Hargeysa, Somaliland
57. 18/02/2006 XAQ-U-DIRIRKII AAN XUDUUDDA LAHAYN: Ibraahin Sheekh Saleebaan – 1944kii (qaybtii 6aad) - Boobe Yuusuf Ducaale
58. 09/02/2006 XAQ-U-DIRIRKII AAN XUDUUDDA LAHAYN: Ibraahin Sheekh Saleebaan (1944kii – 2006da) Q. 4aad - Boobe Yuusuf Ducaale
59. 08/02/2006 Safar Salaama iyo Xaflad Sagooti ah oo loo Samaynayo Abwaanka Gaarriye - aftahan.com
60. 08/02/2006 XAQ-U-DIRIRKII AAN XUDUUDDA LAHAYN: Ibraahin Sheekh Saleebaan 1944kii – 2006da (Q. 3aad) - Boobe Yuusuf Ducaale
61. 06/02/2006 XAQ-U-DIRIRKII AAN XUDUUDDA LAHAYN: Ibraahin Sheekh Saleebaan (Qormada 2aad) - Boobe Yuusuf Ducaale
62. 04/02/2006 GEERIDII GADHLAY SHEEGAYAAN GACAL HA WAAYAANE - Sayid Maxamed Yusuf "Dhegey"
63. 04/02/2006 XAQ-U-DIRIRKII AAN XUDUUDDA LAHAYN: Marxuun Ibraahin Gadhle - Boobe Yuusuf Ducaale
64. 01/02/2006 Ibraahim Gadhle: Hal Abuur Iyo Gabayaa ka Galbaday Suugaanta Soomaalida - haatuf.net
65. 31/01/2006 Tacsi Geeridii Abwaan Ibraahin Aw Saleebaan (Gadhle) - RSOL
66. 30/01/2006 Sannad wanaagsan - 1427 - RSOL
67. 20/01/2006 Habka Dhismaha Maansada Soomaaliyeed - Cabdi Miigane Guuleed & Maxamed Cabdillaahi Riiraash
(somalistartpage.com)
68. 25/01/2006 Wareysi Dr. Georgi Kapchits - wardheernews.com (Copyright WDN 2006)
69. 18/01/2006 Somaliland Societies in Europe: War saxaafadeed - SSE
70. 31/10/2005 Nin Gumoobay - Ibraahin Yuusuf Axmed
71. 31/10/2005 Dhagartii Oogle (Sheeko) - Ibraahim Yuusuf Axmed
72. 11/10/2005 Somali poetry event: The great Somali poet Maxamed Xaashi Dhamac 'Gaarriye' in UK - redsea
73. 10/09/2005 MADHXINTA AFSOOMAALIGA - Maxamed Bashe X. Xasan
74. 07/09/2005 From Mechanic to Civic Leader: One man's active leadership brings better energy options to an entire - (from awdalnews.com)
75. 03/09/2005 Kuma ayuu ahaa Cabdilaahi Suldaan Maxamed "Timacade" - Abdifatah O. Abdi
76. 28/08/2005 AIDS And Circumcision - Rhoda A. Rageh
77. 28/08/2005 Duumo iyo Duullaan - Ibraahin Yuusuf Axmed ”Hawd”
78. 28/08/2005 Dhibaatooyinka ku xeeran qoraalka afsoomaaliga iyo hirgelintiisa - Maxamed Bashe X. Xasan
79. 14/05/2005 "LADH" waa buug murugo, xiise, xasuus iyo xanuun intaba kugu beeraya - RSOL - Editor
80. 28/02/2005 "Dhagaxtuur Ma Been Baa?" - Boobe Yuusuf Ducaale
81. 18/02/2005 Yusuf Haji Aden Was a Great Educationist - SSE Chairman
82. 18/02/2005 Tacsi Ururka Somaliland Forum - Guddiga Dhexe Somaliland Forum
83. 15/02/2005 Obituary: Yusuf Haji Aden was a great man - Mohamud Tani
84. 17/02/2005 Aas Heer Qaran Ah Oo Loo Sameeyey Abwan Yusuf Xaji Aadan
85. 03/01/2005 Ujeedo Xog Ururuuin Ka Timid Ururka Qoraaga Somaliland - SWA
86. 06/03/2004 Students Uprising Of Feb 20th Observed By SONYO - the Somaliland Times, ISSUE 109, Feb 21, 2004
87. 04/03/2004 Warsaxaafadeed "Ururka Qoraaga Somaliland" - UQS, Sweden
88. 28/02/2004 20-ka February oo markii ugu horeysay laga xusay magaalada London - London (Jam) - from www.jamhuuriya.info
89. 27/02/2004 20-Ka February Oo Loo Aqoonsaday Maalinta Dhallinyarada Somaliland - Haatuf, Hargeysa Feb, 22, 2004
90. 25/02/2004 «Materia Cinese Chinese Matter»: per una comunicazione universale - Elisabetta Marino, l'Unità 06.02.2004
91. 12/02/2004 Bandhig Buug: Jamhuuriya
92. 23/12/2003 “Materia cinese”: i ponti invisibili di Lina Unali - Elisabetta Marino
93. 16/08/2003 The Vice President told youngs in his Party that "My Teachers' Group" is a good example to follow.
94. 20/06/2003 Barre Hagi Elmi Ahmed: Tribute to an unknown martyr - Jama Musse Jama
95. 29/05/2003 Xasuusta Dhagaxtuurka iyo Xuska Macalikayga Maalintaas (20-ka February 1982) - Khadar Ali Gas
96. 24/03/2003 A new section dedicated to the Somali Books
97. 21/01/2003 "Il Gazzettino" newspaper reviewed Layli Goobalay
98. 20/01/2003 Layli Goobalay on "IntercultuRadio" Radio
99. 4/12/2002 "Il Secolo XIX" reviewed Layli Goobalay
100. 3/12/2002 Layli Goobalay on Italian National Radio

Social Community
Join us today

There are currently, 166 guest(s) and 0 member(s) that are online.

Nickname

Password

Don't have a REDSEA account yet? You can create one. It is a free!


What is new


[ News archive ]



REDSEA SHOP
Hargeysa


Hore u gaadh daarta Oriental Hotel


Sheeko iyo Shaahid
Check deadline

Sheeko iyo Shaahid
KULANKA 5aad
ee
TARTAN QARAMEEDKA CURINTA SUUGAANTA


Codka Somaliland

Weekly FM Radio
Minneapolis, USA
in every Sunday


Editor Pick

A brilliant work co-ordinated through many continents
by Rhoda A. Rage.

Read it more


Search With Google

Google

www
redsea-online.com